«Тоттенхэм» «Ливерпуль» билан ўйиннинг сўнгги дақиқаларида мағлубиятдан қутулиб қолди (1:1). «Энфилд»да мағлубиятдан қутқариб қолган голга 90-дақиқада Ришарлисон муаллифлик қилди. Суперкомпьютер ҳисоб-китобларига кўра, ҳозирги ҳолатда «шпорлар»нинг Чемпионшипга тушиб кетиш эҳтимоли 14,9% ни ташкил этмоқда.

Бошқа жамоаларда вазият бундан ҳам ачинарли: «Ноттингем Форест»нинг тушиб кетиш хавфи 34,05%, «Вест Хэм»ники эса 45,26% га тенг. «Бёрнли» (99,66%) ва «Вулверхэмптон»ни (99,88%) эса энди ҳатто мўъжиза ҳам қутқариб қолиши қийин.

«Тоттенхэм» 30 очко билан АПЛ турнир жадвалида 16-ўринни эгаллаб турибди ва «Ноттингем Форест» ҳамда «Вест Хэм»дан бир очко олдинда. Улардан бир поғона юқорида эса 32 очко жамғарган «Лидс» жойлашган.