Yakshanba kuni «Manchester Yunayted» Premyer-liganing 30-turi doirasida «Aston Villa» ustidan muhim g‘alabaga erishdi (3:1).
Uchrashuv yakunlanganidan so‘ng jurnalistlar Maykl Kerrikka uning kelajagi haqidagi an’anaviy savolni berishdi. Keng tarqalgan fikrlarga ko‘ra, ingliz mutaxassisi vaqtinchalik bosh murabbiy sifatidagi muvaffaqiyatlarini inobatga olgan holda, keyingi mavsumda ham o‘z ishini davom ettirishi kerak.
«Men vaziyatni juda yaxshi tushunib turibman. Bu yerni yaxshi ko‘raman, agar maydon chetida turmaganimda, «Aston Villa» bilan o‘yinni tomoshabin sifatida kuzatgan bo‘lardim. Men shunchaki haftama-hafta ishlab kelmoqdaman. Barcha qarorlar klub manfaati yo‘lida qabul qilinadi. Nimaiki sodir bo‘lmasin, buni qabul qilamiz», — deya ViaPlayga bergan intervyusida javob qaytardi Kerrik.
«Qizil iblislar» Angliya chempionati turnir jadvalida uchinchi o‘rinni egallab turishibdi.













