Якшанба куни «Манчестер Юнайтед» Премьер-лиганинг 30-тури доирасида «Астон Вилла» устидан муҳим ғалабага эришди (3:1).

Учрашув якунланганидан сўнг журналистлар Майкл Кэррикка унинг келажаги ҳақидаги анъанавий саволни беришди. Кенг тарқалган фикрларга кўра, инглиз мутахассиси вақтинчалик бош мураббий сифатидаги муваффақиятларини инобатга олган ҳолда, кейинги мавсумда ҳам ўз ишини давом эттириши керак.

«Мен вазиятни жуда яхши тушуниб турибман. Бу ерни яхши кўраман, агар майдон четида турмаганимда, «Астон Вилла» билан ўйинни томошабин сифатида кузатган бўлардим. Мен шунчаки ҳафтама-ҳафта ишлаб келмоқдаман. Барча қарорлар клуб манфаати йўлида қабул қилинади. Нимаики содир бўлмасин, буни қабул қиламиз», — дея ViaPlayга берган интервьюсида жавоб қайтарди Кэррик.

«Қизил иблислар» Англия чемпионати турнир жадвалида учинчи ўринни эгаллаб туришибди.