Ma’lumotlarga ko‘ra, «Liverpul» Arne Slotning kelajagi borasida yakuniy qarorga kelgan. «Qizillar» rahbariyati mavsum yakunlanganidan so‘ng niderlandiyalik mutaxassis bilan xayrlashishga qaror qilgan.
Bundan tashqari, «Liverpul» rahbariyati, hatto jamoa mo‘’jiza tufayli joriy mavsumdagi barcha mumkin bo‘lgan sovrinlarni qo‘lga kiritgan taqdirda ham, o‘z fikridan qaytmaydi. Bu haqda Topskills Sports UK klubga yaqin manbalariga tayanib aniqlik kiritmoqda. Mutaxassis qolgan o‘yinlar natijasidan qat’i nazar, o‘z lavozimini tark etadi.
Yakshanba kuni «Liverpul» Premyer-liganing 30-turi doirasida kechgan bahsda «Tottenxem» ustidan qozonilayotgan g‘alabani qo‘ldan chiqardi (1:1). Hozirda mersisaydliklar chempionat turnir jadvalida beshinchi o‘rinni egallab turibdi.
