Dam olish kunlari Sven Ulrayx jarohat oldi, buning natijasida "Bavariya" jarohatlanganlar ro‘yxatidan bir yo‘la to‘rt nafar darvozabon joy oldi. Oldinda — Chempionlar Ligasining "Atalanta"ga qarshi uchrashuvi. Myunxenliklar bosh murabbiyi Vensan Kompani golkiperlar bilan bog‘liq vaziyat yuzasidan fikr bildirdi. Uning so‘zlariga ko‘ra, Yonas Urbig bosh miya chayqalishidan so‘ng maydonga qaytishi kerak.
— Noyer mashg‘ulotlarga qaytganidan va Urbig me’yorda shug‘ullanayotganidan xursandman. Ammo biz qarorni faqat tibbiy ko‘rsatmalarga asoslanib qabul qilamiz. Agar hammasi joyida bo‘lsa, asosiy tarkibda Urbig tushadi. Agar unday bo‘lmasa, boshqa yechim izlaymiz.
— Unda 16 yoshli Leonard Preskott o‘ynaydimi?
— Ha", — dedi Kompani.













