Bugun, 2026 yil 18 mart kuni Chempionlar ligasining 2025/2026 yilgi mavsumi 1/8 final javob uchrashuvi doirasida «Liverpul» va «Galatasaroy» jamoalari o‘zaro to‘qnash kelishadi. Dastlabki bahs 1:0 hisobida «Galatasaroy»ning g‘alabasi bilan yakunlangan edi.

Tahlilchilar asosiy vaqtda «Liverpul»ning g‘alaba qozonish ehtimolini 76,3%, Turkiya jamoasining g‘alabasini 9,5%, durang natijani esa 14,2% deb prognoz qilishmoqda.

Umumiy natijaga ko‘ra, «Liverpul»ning Chempionlar ligasi chorak finaliga chiqish imkoniyati 70,3% ga, «Galatasaroy»ning keyingi bosqichga yo‘l olishi esa 29,7% ga baholanmoqda.