«Chelsi» yarim himoyachisi Enso Fernandes Chempionlar ligasi 1/8 finali doirasida «PSJ»ga qarshi kechgan qarama-qarshilik yakunlari haqida to‘xtaldi.
Londonliklar har ikkala uchrashuvda yirik hisobda imkoniyatni boy berib, umumiy 2:8 hisobida musobaqadan chiqib ketishdi.
«PSJ»ni tabriklash kerak. Raqib bizdan ancha kuchli edi va taktik jihatdan bizni butunlay mag‘lub etdi. Biz hali vaziyatni o‘nglay olamiz — oldinda chempionatning sakkizta o‘yini bor. Shuningdek, biz Angliya Kubogidagi ishtirokimizni davom ettiryapmiz va unda g‘olib chiqmoqchimiz. Futbolda eng muhimi — sovrinlar», — dedi Fernandes Londondagi javob o‘yinidagi (0:3) mag‘lubiyatdan so‘ng ESPN telekanaliga bergan intervyusida.
