«Manchester Siti» va Argentina terma jamoasining sobiq hujumchisi Serxio Aguero «Arsenal»ning o‘yin uslubiga nisbatan aytilayotgan tanqidlar borasida o‘z fikrini bildirdi.
«Zerikarli futbol» degani o‘zi nimani anglatadi? Menimcha, «Arsenal» muxlislari jamoalari turnir jadvalining yuqori pog‘onasida turganida zerikishayotgani yo‘q. Ular standart vaziyatlardan ko‘p gol urgani uchun «zerikarli» deb aytish — bu ularning o‘yin uslubini kamsitishdir.
Balki bu boshqa jamoalar muxlislariga zavq bag‘ishlamayotgandir, buni tushunaman. Lekin bu holat neytral muxlislar Angliya chempionatida kim g‘olib bo‘lishini xohlashini belgilab bermasligi kerak», — dedi Aguero.
