«Манчестер Сити» ва Аргентина терма жамоасининг собиқ ҳужумчиси Серхио Агуэро «Арсенал»нинг ўйин услубига нисбатан айтилаётган танқидлар борасида ўз фикрини билдирди.
«Зерикарли футбол» дегани ўзи нимани англатади? Менимча, «Арсенал» мухлислари жамоалари турнир жадвалининг юқори поғонасида турганида зерикишаётгани йўқ. Улар стандарт вазиятлардан кўп гол ургани учун «зерикарли» деб айтиш — бу уларнинг ўйин услубини камситишдир.
Балки бу бошқа жамоалар мухлисларига завқ бағишламаётгандир, буни тушунаман. Лекин бу ҳолат нейтрал мухлислар Англия чемпионатида ким ғолиб бўлишини хоҳлашини белгилаб бермаслиги керак», — деди Агуэро.
