«Real» darvozaboni Tibo Kurtuaning «Atletiko»ga qarshi derbida ishtirok etishi hamon so‘roq ostida qolmoqda.
Belgiyalik posbon Chempionlar ligasi 1/8 finalidan o‘rin olgan «Manchester Siti»ga qarshi javob o‘yinining (2:1) tanaffusida almashtirildi va uning o‘rniga Andriy Lunin maydonga tushdi. Xabar qilinishicha, Kurtuaning son sohasidagi mushaklarida zo‘riqish bor — u noqulaylikni o‘yindan oldingi chigal yozdi mashg‘ulotlari vaqtidayoq his qilgan.
As nashri bergan ma’lumotga ko‘ra, bugun «Real» Kurtuaga dam berishga qaror qilgan. Ertaga, payshanba kuni darvozabon jarohatning xarakteri va darajasini aniqlash uchun tibbiy ko‘rikdan o‘tishi rejalashtirilgan.
La Liganing 29-turidan o‘rin olgan «Real» va «Atletiko» o‘rtasidagi uchrashuv 22 mart, yakshanba kuni «Santyago Bernabeu» stadionida bo‘lib o‘tadi.
