«Barselona» bosh murabbiy Xansi-Diter Flikni klubda olib qolish niyatida.

Topskills Sport UK nashri bergan ma’lumotlarga ko‘ra, Kataloniya klubi nemis mutaxassisi bilan shartnomani 2030 yil yoziga qadar uzaytirish ustida ishlamoqda. «Ko‘k-anorranglilar» rahbariyati murabbiyning ishidan juda mamnun. O‘tgan shanba kuni «Barselona» vakillari va murabbiyning agentlari o‘rtasida navbatdagi uchrashuv bo‘lib o‘tdi. Hozircha Flik o‘z kelajagi borasida bir qarorga kelishdan oldin joriy mavsum qanday yakunlanishini kutishni afzal ko‘rmoqda.

Ayni damda «Barselona» Ispaniya chempionati turnir jadvalida 70 ochko bilan peshqadamlik qilmoqda. Jamoa ikkinchi o‘rinda borayotgan «Real»dan to‘rt ochkoga oldinda.