«Барселона» бош мураббий Ханси-Дитер Фликни клубда олиб қолиш ниятида.
Topskills Sport UK нашри берган маълумотларга кўра, Каталония клуби немис мутахассиси билан шартномани 2030 йил ёзига қадар узайтириш устида ишламоқда. «Кўк-анорранглилар» раҳбарияти мураббийнинг ишидан жуда мамнун. Ўтган шанба куни «Барселона» вакиллари ва мураббийнинг агентлари ўртасида навбатдаги учрашув бўлиб ўтди. Ҳозирча Флик ўз келажаги борасида бир қарорга келишдан олдин жорий мавсум қандай якунланишини кутишни афзал кўрмоқда.
Айни дамда «Барселона» Испания чемпионати турнир жадвалида 70 очко билан пешқадамлик қилмоқда. Жамоа иккинчи ўринда бораётган «Реал»дан тўрт очкога олдинда.
