«Real» futbolchilari klub bosh murabbiyi Alvaro Arbeloani iliq kutib olishdi va uning uslubini ma’qullashmoqda.

Jurnalist Mario Kortegananing ma’lumotlariga ko‘ra, madridliklar klubidagi manbalar Arbeloaning «qaymoqranglilar» o‘yinchilari bilan munosabati ancha yaqin ekanligini xabar qilishmoqda. Futbolchilar uning ishga yondashuvini sobiq ustoz Xabi Alonsonikidan ko‘ra ko‘proq qadrlashmoqda. Ayniqsa, bu holat «Real»ning yulduz o‘yinchilariga tegishli. Arbeloa futbolchilarda Alonsoga qaraganda muloqot uchun ochiqroq va yaqinroq inson sifatida taassurot qoldirgan.

Eslatib o‘tamiz, bugun, 18 mart kuni «Real» ikki o‘yin natijasiga ko‘ra «Manchester Siti»ni umumiy 5:1 hisobida mag‘lub etib, Chempionlar ligasining chorak finaliga yo‘l oldi.