«Реал» футболчилари клуб бош мураббийи Альваро Арбелоани илиқ кутиб олишди ва унинг услубини маъқуллашмоқда.
Журналист Марио Кортегананинг маълумотларига кўра, мадридликлар клубидаги манбалар Арбелоанинг «қаймоқранглилар» ўйинчилари билан муносабати анча яқин эканлигини хабар қилишмоқда. Футболчилар унинг ишга ёндашувини собиқ устоз Хаби Алонсоникидан кўра кўпроқ қадрлашмоқда. Айниқса, бу ҳолат «Реал»нинг юлдуз ўйинчиларига тегишли. Арбелоа футболчиларда Алонсога қараганда мулоқот учун очиқроқ ва яқинроқ инсон сифатида таассурот қолдирган.
Эслатиб ўтамиз, бугун, 18 март куни «Реал» икки ўйин натижасига кўра «Манчестер Сити»ни умумий 5:1 ҳисобида мағлуб этиб, Чемпионлар лигасининг чорак финалига йўл олди.
