«Barselona»ning polshalik hujumchisi Robert Levandovski Chempionlar ligasi 1/8 finali doirasidagi «Nyukasl»ga qarshi o‘yindan so‘ng o‘z fikrlari bilan o‘rtoqlashdi.
Kataloniyaliklarning «qarg‘alar» ustidan qozongan 7:2 hisobidagi yirik g‘alabasi bilan yakunlangan bahsdan so‘ng hujumchi shunday dedi:
«Men juda baxtliman, o‘zim va jamoam bilan faxrlanaman. Biz bir nechta xatolarga yo‘l qo‘ydik va ehtimol, «Nyukasl» uchun gol urish juda oson bo‘lgandir, ammo agar raqib darvozasiga yettita gol kiritsang, o‘yindan to‘liq mamnun bo‘lishing mumkin», — deya Levandovskining so‘zlaridan iqtibos keltirmoqda Barça Universal.
