«Real» yarim himoyachisi Franko Mastantuono Argentina terma jamoasidan chaqiruv oldi.

Argentinaliklar bosh murabbiyi Lionel Skaloni 18 yoshli vingerni Mavritaniya (27 mart) va Zambiyaga (31 mart) qarshi o‘rtoqlik o‘yinlari uchun dastlabki ro‘yxatga kiritmagan edi. Biroq bugun Mastantuono va «Strasbur» hujumchisi Xoakin Panichelli qo‘shimcha ravishda tarkibga jalb etilgani ma’lum bo‘ldi.

Ta’kidlash joizki, avvalroq rejalashtirilgan Gvatemalaga qarshi bahs bekor qilinib, uning o‘rniga Zambiya bilan o‘yin tashkil etiladigan bo‘ldi.

Franko hisobida La Liganing 16 ta o‘yinida 1 ta gol bor, Xoakin esa Fransiya 1-ligasining 26 ta uchrashuvida 14 ta gol urishga muvaffaq bo‘lgan.