«Реал» ярим ҳимоячиси Франко Мастантуоно Аргентина терма жамоасидан чақирув олди.
Аргентиналиклар бош мураббийи Лионель Скалони 18 ёшли вингерни Мавритания (27 март) ва Замбияга (31 март) қарши ўртоқлик ўйинлари учун дастлабки рўйхатга киритмаган эди. Бироқ бугун Мастантуоно ва «Страсбур» ҳужумчиси Хоакин Паничелли қўшимча равишда таркибга жалб этилгани маълум бўлди.
Таъкидлаш жоизки, аввалроқ режалаштирилган Гватемалага қарши баҳс бекор қилиниб, унинг ўрнига Замбия билан ўйин ташкил этиладиган бўлди.
Франко ҳисобида Ла Лиганинг 16 та ўйинида 1 та гол бор, Хоакин эса Франция 1-лигасининг 26 та учрашувида 14 та гол уришга муваффақ бўлган.
