«Milan» bosh murabbiyi Massimiliano Allegri jamoa markaziy yarim himoyachisi Luka Modrichning italyan klubidagi roli haqida o‘z fikri bilan o‘rtoqlashdi.
«Luka kelgach, nafaqat o‘yin bobida, balki insoniy va professional jihatdan ham sifat olib kirdi — ayniqsa yoshlar uchun. 40 yoshda shunday ishtiyoqqa ega bo‘lgan futbolchi va insonni ko‘rish — bu aql bovar qilmas darajada», — dedi mutaxassis.
Xorvatiyalik xavbek 2025 yilning yozida Italiyaga ko‘chib o‘tgan edi. «Rossonerilar» libosida Modrich 31 ta o‘yin o‘tkazib, o‘z hisobiga ikkita gol va uchta golli uzatmani yozdirib qo‘ydi. Futbolchining klub bilan amaldagi mehnat shartnomasi 2026 yilning iyun oyigacha mo‘ljallangan.
