«Милан» бош мураббийи Массимилиано Аллегри жамоа марказий ярим ҳимоячиси Лука Модричнинг итальян клубидаги роли ҳақида ўз фикри билан ўртоқлашди.
«Лука келгач, нафақат ўйин бобида, балки инсоний ва профессионал жиҳатдан ҳам сифат олиб кирди — айниқса ёшлар учун. 40 ёшда шундай иштиёққа эга бўлган футболчи ва инсонни кўриш — бу ақл бовар қилмас даражада», — деди мутахассис.
Хорватиялик хавбек 2025 йилнинг ёзида Италияга кўчиб ўтган эди. «Россонерилар» либосида Модрич 31 та ўйин ўтказиб, ўз ҳисобига иккита гол ва учта голли узатмани ёздириб қўйди. Футболчининг клуб билан амалдаги меҳнат шартномаси 2026 йилнинг июнь ойигача мўлжалланган.
