«Liverpul» hujumchisi Ugo Ekitike Angliya chempionatining 31-turi doirasida «Brayton»ga qarshi kechgan bahsning ilk daqiqalaridayoq almashtirilgan edi. Foot Mercato jurnalisti Santi Aunaning xabar berishicha, hozircha hammasi dastlab ko‘ringanchalik jiddiy emas. Ekitike sonidan kuchli zarba qabul qilib olgan — unda lat yeyish aniqlangan.
Shu bilan birga, 23 yoshli Ekitikening holati bo‘yicha yakuniy va aniq ma’lumotlar qo‘shimcha tibbiy ko‘riklardan so‘ng ma’lum bo‘ladi.
Eslatib o‘tamiz, bir necha kun oldin Didye Desham Ugo Ekitikeni Fransiya terma jamoasining mart oyidagi yig‘iniga chaqirilgan futbolchilar ro‘yxatiga kiritgan edi. Ushbu yig‘in doirasida fransuzlar Braziliya va Kolumbiya terma jamoalariga qarshi o‘rtoqlik uchrashuvlarida maydonga tushadilar.
