«Ливерпуль» ҳужумчиси Уго Экитике Англия чемпионатининг 31-тури доирасида «Брайтон»га қарши кечган баҳснинг илк дақиқаларидаёқ алмаштирилган эди. Foot Mercato журналисти Санти Аунанинг хабар беришича, ҳозирча ҳаммаси дастлаб кўринганчалик жиддий эмас. Экитике сонидан кучли зарба қабул қилиб олган — унда лат ейиш аниқланган.
Шу билан бирга, 23 ёшли Экитикенинг ҳолати бўйича якуний ва аниқ маълумотлар қўшимча тиббий кўриклардан сўнг маълум бўлади.
Эслатиб ўтамиз, бир неча кун олдин Дидье Дешам Уго Экитикени Франция терма жамоасининг март ойидаги йиғинига чақирилган футболчилар рўйхатига киритган эди. Ушбу йиғин доирасида французлар Бразилия ва Колумбия терма жамоаларига қарши ўртоқлик учрашувларида майдонга тушадилар.
