«Real Madrid» bosh murabbiyi Alvaro Arbeloa Ispaniya chempionati doirasidagi «Atletiko»ga qarshi uy uchrashuvi haqida o‘z fikrlarini bildirdi. Mutaxassisdan jamoa derbiga qay darajada tayyorgarlik ko‘rayotgani haqida so‘rashdi.

«Katta ishtiyoq va g‘ayrat bilan tayyorlanmoqdamiz. Bu nafaqat uch ochko uchun, balki muxlislarimiz va oxirgi o‘yinlarda stadionda hukm surayotgan ajoyib muhit sababli ham juda muhim bahs. Bu ham futbolchi, ham tomoshabin... va ishonchim komilki, murabbiy uchun ham hayotida boshdan kechirishi mumkin bo‘lgan eng yaxshi o‘yinlardan biridir. Men "Bernabeu"ni to‘liq "zaryadlangan" (hayajonga to‘la) holatda ko‘rishni istayman. Biz buyuk jamoaga qarshi jang qilish uchun ulkan xohish va yuqori kayfiyat bilan yondashyapmiz», — dedi Arbeloa matbuot anjumanida jurnalistlarga.

«Real» va «Atletiko» o‘rtasidagi uchrashuv 22 mart kuni Toshkent vaqti bilan soat 01:00 da (23 martga o‘tar kechasi) boshlanadi.