«Реал Мадрид» бош мураббийи Альваро Арбелоа Испания чемпионати доирасидаги «Атлетико»га қарши уй учрашуви ҳақида ўз фикрларини билдирди. Мутахассисдан жамоа дербига қай даражада тайёргарлик кўраётгани ҳақида сўрашди.
«Катта иштиёқ ва ғайрат билан тайёрланмоқдамиз. Бу нафақат уч очко учун, балки мухлисларимиз ва охирги ўйинларда стадионда ҳукм сураётган ажойиб муҳит сабабли ҳам жуда муҳим баҳс. Бу ҳам футболчи, ҳам томошабин... ва ишончим комилки, мураббий учун ҳам ҳаётида бошдан кечириши мумкин бўлган энг яхши ўйинлардан биридир. Мен "Бернабеу"ни тўлиқ "зарядланган" (ҳаяжонга тўла) ҳолатда кўришни истайман. Биз буюк жамоага қарши жанг қилиш учун улкан хоҳиш ва юқори кайфият билан ёндашяпмиз», — деди Арбелоа матбуот анжуманида журналистларга.
«Реал» ва «Атлетико» ўртасидаги учрашув 22 март куни Тошкент вақти билан соат 01:00 да (23 мартга ўтар кечаси) бошланади.
