Italiyaning «Milan» jamoasi tarkibga qaytgan fransuz Adriyen Rabyo bilan birga A Seriyaning 30-turida «Torino»ni mag‘lub etdi. Ushbu o‘yindan so‘ng jurnalistlar jamoa ustozi Massimiliano Allegridan nima sababdan Rabyo tarkibda bo‘lganida «Milan» har o‘yinda o‘rtacha bitta ko‘proq ochko to‘playotgani haqida so‘rashdi.
«U kuchli va muhim futbolchi, lekin boshqa o‘yinchilar ham xuddi shunday ahamiyatga ega. Rabyo bizning boshqa futbolchilarimiz orasida o‘ziga xos xususiyatlari bilan ajralib turadi. Biroq futbolchilar bir-birini to‘ldirishi kerak», – deya Allegrining so‘zlaridan iqtibos keltiradi pianetamilan.it nashri.
Eslatib o‘tamiz, fransiyalik futbolchi o‘tgan yozda «Milan» safiga kelib qo‘shilgan edi. U bundan avval ham A Seriyada Turinning «Yuventus» jamoasida, aynan Allegri qo‘l ostida to‘p surgan.
