Италиянинг «Милан» жамоаси таркибга қайтган француз Адриен Рабьо билан бирга А Сериянинг 30-турида «Торино»ни мағлуб этди. Ушбу ўйиндан сўнг журналистлар жамоа устози Массимилиано Аллегридан нима сабабдан Рабьо таркибда бўлганида «Милан» ҳар ўйинда ўртача битта кўпроқ очко тўплаётгани ҳақида сўрашди.
«У кучли ва муҳим футболчи, лекин бошқа ўйинчилар ҳам худди шундай аҳамиятга эга. Рабьо бизнинг бошқа футболчиларимиз орасида ўзига хос хусусиятлари билан ажралиб туради. Бироқ футболчилар бир-бирини тўлдириши керак», – дея Аллегрининг сўзларидан иқтибос келтиради pianetamilan.it нашри.
Эслатиб ўтамиз, франциялик футболчи ўтган ёзда «Милан» сафига келиб қўшилган эди. У бундан аввал ҳам А Серияда Туриннинг «Ювентус» жамоасида, айнан Аллегри қўл остида тўп сурган.
