«Manchester Siti» yarim himoyachisi Bernardu Silva kelayotgan yozda «shaharliklar» bilan shartnomasi yakunlanishi munosabati bilan «Barselona»ga o‘tishni o‘z oldiga asosiy maqsad qilib qo‘ydi. Uning nomzodi agent Jorje Mendesh orqali kataloniyaliklarga taklif qilingan. Bu haqda Sport.es nashri xabar bermoqda.

Manbaning ma’lumotlariga ko‘ra, Kataloniya klubi Bernardu bilan shartnoma imzolanishini «qiziqarli kelishuv» deb hisoblaydi, biroq hozirda jamoada ushbu pozisiyada futbolchilar juda ko‘pligini ham tushunib turibdi. «Barselona» «Manchester Siti» sardorining transferiga birinchi darajali vazifa sifatida qaramayapti, chunki «blaugrana» birinchi navbatda markaziy himoyachi va hujumchi sotib olishni istaydi. Shu bilan birga, sine-granatoliklar 31 yoshli yarim himoyachining mahoratiga shubha qilishmayapti.

Joriy mavsumda Bernardu barcha turnirlarda 41 ta o‘yinda ishtirok etib, o‘z hisobiga 3 ta gol va 5 ta golli uzatmani yozdirib qo‘ydi. Transfermarkt portali taqdim etgan ma’lumotlarga ko‘ra, futbolchining bozor qiymati 27 million yevroni tashkil etadi.