«Real» bosh murabbiyi Alvaro Arbeloa jamoani «Atletiko»ga qarshi Madrid derbisiga tayyorlamoqda. «Qaymoqranglilar» ustozi matbuot anjumanida raqibi Diyego Simeonening so‘zlariga munosabat bildirdi.
— Simeone: «Biz — xalq jamoasimiz», dedi. Bu haqda nima deb o‘ylaysiz? — deya savol berishdi Arbeloaga.
— Bu men uchun normal holat (kulimsirab). Lekin men bor e’tiborimni o‘z jamoamga qaratganman. Diyego Simeone kabi murabbiyga qarshi o‘ynashdan xursandman. U ko‘p yillardan beri «Atletiko»da o‘z darajasini isbotlab kelmoqda. U sizni bor kuchingiz bilan ishlashga majbur qiladigan murabbiy, — dedi Arbeloa.
«Real» va «Atletiko» o‘rtasidagi derbi 22 mart kuni Toshkent vaqti bilan soat 01:00 da boshlanadi.
