Madridning «Real» klubi yarim himoyachisi Jud Bellingem jarohatidan forig‘ bo‘ldi va «Atletiko»ga qarshi kechgan derbida zaxiradan maydonga tushdi.
Angliyalik futbolchi 74-daqiqada Arda Gyulerning o‘rniga o‘yinga qo‘shildi. Bu Bellingem uchun 1 fevraldan beri o‘tkazilgan ilk uchrashuv bo‘ldi.
«Tiklanish jarayoni uzoq davom etdi. Ruhiy jihatdan qiyin bo‘ldi, lekin hozir juda baxtliman, chunki yana o‘z birodarlarim bag‘riga qaytdim», — deya Bellingemning o‘yindan keyingi intervyusidan iqtibos keltiradi Madrid Zone.













