«Manchester Siti» bosh murabbiyi Xosep Gvardiola klubning muvaffaqiyati haqida fikr bildirdi. Yakshanba kuni «shaharliklar» finalda «Arsenal»ni mag‘lub etib (2:0), Angliya liga kubogi sohibiga aylanishdi. Ushbu turnirda ispaniyalik mutaxassis beshinchi g‘alaba qozondi, murabbiy 2016 yilda jamoaga tayinlanganidan beri «Siti» jami 19 ta sovrinni qo‘lga kiritdi.

«Zamonaviy ingliz futbolida, Yevropada o‘n yil ichida 19 ta sovrin... Butun tashkilot oldida ta’zim qilaman. Bu shunchaki aql bovar qilmaydigan barqarorlik», — deya Gvardiolaning so‘zlarini keltiradi City Report.