«Манчестер Сити» бош мураббийи Хосеп Гвардиола клубнинг муваффақияти ҳақида фикр билдирди. Якшанба куни «шаҳарликлар» финалда «Арсенал»ни мағлуб этиб (2:0), Англия лига кубоги соҳибига айланишди. Ушбу турнирда испаниялик мутахассис бешинчи ғалаба қозонди, мураббий 2016 йилда жамоага тайинланганидан бери «Сити» жами 19 та совринни қўлга киритди.
«Замонавий инглиз футболида, Европада ўн йил ичида 19 та соврин... Бутун ташкилот олдида таъзим қиламан. Бу шунчаки ақл бовар қилмайдиган барқарорлик», — дея Гвардиоланинг сўзларини келтиради City Report.
