Belgiyalik hujumchi Romelu Lukaku jarohatlar sababli unchalik muvaffaqiyatli bo‘lmagan mavsumni o‘tkazmoqda. Yuzaga kelgan vaziyat tufayli u Antonio Kontening nazarida «dahlsiz» maqomini yo‘qotdi. Vaholanki, hammaga ma’lumki, Konte doimo uning iqtidorini juda yuqori baholab kelgan.

Shu sababli matbuotda, xususan, Belgiyaning Voetbalkrant nashrida Lukaku yaqin kelajakda Belgiya chempionatiga qaytishi mumkinligi haqida xabarlar paydo bo‘la boshladi.

Ehtimoliy jamoa sifatida «Anderlext» klubi tilga olinmoqda. Romelu aynan shu klubda 2009 yildan 2011 yilgacha bo‘lgan davrda o‘zining katta futboldagi faoliyatini boshlagan edi.

Shuningdek, o‘tmishda «Big Rom» uzoq vaqt davomida Angliya Premyer-ligasi klublarida to‘p surgan.