Бельгиялик ҳужумчи Ромелу Лукаку жароҳатлар сабабли унчалик муваффақиятли бўлмаган мавсумни ўтказмоқда. Юзага келган вазият туфайли у Антонио Контенинг назарида «даҳлсиз» мақомини йўқотди. Ваҳоланки, ҳаммага маълумки, Конте доимо унинг иқтидорини жуда юқори баҳолаб келган.
Шу сабабли матбуотда, хусусан, Бельгиянинг Voetbalkrant нашрида Лукаку яқин келажакда Бельгия чемпионатига қайтиши мумкинлиги ҳақида хабарлар пайдо бўла бошлади.
Эҳтимолий жамоа сифатида «Андерлехт» клуби тилга олинмоқда. Ромелу айнан шу клубда 2009 йилдан 2011 йилгача бўлган даврда ўзининг катта футболдаги фаолиятини бошлаган эди.
Шунингдек, ўтмишда «Биг Ром» узоқ вақт давомида Англия Премьер-лигаси клубларида тўп сурган.
