«Atletiko» yarim himoyachisi Jonni Kardozo Madridning «Real» klubiga qarshi kechgan bahsdagi (2:3) hakamlik ishidan noroziligini bildirdi.
«Qaymoqranglilar» o‘z maydonlarida o‘tgan derbida hisobda ortda borayotib, yakunda g‘alabani ilib ketishdi. Uchrashuvning eng ko‘p muhokama qilinayotgan vaziyatlaridan biri Daniel Karvaxal va Markos Lyorente o‘rtasidagi to‘qnashuv bo‘ldi. «Matraschilar»ning fikricha, ushbu vaziyatda maydon egalari darvozasiga penalti belgilanishi kerak edi.
«Hakamning qarorlari biryoqlama bo‘ldi. Lyorente bilan bog‘liq vaziyat — bu aniq penalti edi, ammo referi hushtak chalmadi. Barcha bahsli vaziyatlar «Real» foydasiga hal qilindi», — deya Kardozoning intervyusidan iqtibos keltiradi Madrid Universal.
