«Атлетико» ярим ҳимоячиси Жонни Кардозо Мадриднинг «Реал» клубига қарши кечган баҳсдаги (2:3) ҳакамлик ишидан норозилигини билдирди.
«Қаймоқранглилар» ўз майдонларида ўтган дербида ҳисобда ортда бораётиб, якунда ғалабани илиб кетишди. Учрашувнинг энг кўп муҳокама қилинаётган вазиятларидан бири Даниэль Карвахаль ва Маркос Льоренте ўртасидаги тўқнашув бўлди. «Матрасчилар»нинг фикрича, ушбу вазиятда майдон эгалари дарвозасига пенальти белгиланиши керак эди.
«Ҳакамнинг қарорлари бирёқлама бўлди. Льоренте билан боғлиқ вазият — бу аниқ пенальти эди, аммо рефери ҳуштак чалмади. Барча баҳсли вазиятлар «Реал» фойдасига ҳал қилинди», — дея Кардозонинг интервьюсидан иқтибос келтиради Madrid Universal.
