Krishtianu Ronaldu jarohati sababli «An-Nasr»ning bir nechta o‘yinini o‘tkazib yubordi va Portugaliya terma jamoasining mart oyidagi yig‘iniga chaqirilmadi. Dushanba kuni yulduzli hujumchi ijtimoiy tarmoqlarda yangi post qoldirdi.

Ronaldu trenajyor zalida mashg‘ulot o‘tayotgani aks etgan bir nechta suratlarni joylashtirdi va ularga quyidagicha izoh berdi:

«Kundan-kunga yaxshilanib boryapman», — deb yozadi 41 yoshli futbolchi.

Hozirda «An-Nasr» Saudiya Pro-ligasi turnir jadvalida peshqadamlik qilmoqda. Ikkinchi o‘rindagi «Al-Hilol» jamoasidan uch ochko oldinda. Oldinda yana sakkizta tur bor.

Eslatib o‘tamiz, Krishtianu Ronaldu faoliyati davomida besh bor «Oltin to‘p» sohibi bo‘lgan.