Криштиану Роналду жароҳати сабабли «Ан-Наср»нинг бир нечта ўйинини ўтказиб юборди ва Португалия терма жамоасининг март ойидаги йиғинига чақирилмади. Душанба куни юлдузли ҳужумчи ижтимоий тармоқларда янги пост қолдирди.
Роналду тренажёр залида машғулот ўтаётгани акс этган бир нечта суратларни жойлаштирди ва уларга қуйидагича изоҳ берди:
«Кундан-кунга яхшиланиб боряпман», — деб ёзади 41 ёшли футболчи.
Ҳозирда «Ан-Наср» Саудия Про-лигаси турнир жадвалида пешқадамлик қилмоқда. Иккинчи ўриндаги «Ал-Ҳилол» жамоасидан уч очко олдинда. Олдинда яна саккизта тур бор.
Эслатиб ўтамиз, Криштиану Роналду фаолияти давомида беш бор «Олтин тўп» соҳиби бўлган.
