Angliyaning «Nyukasl» klubi «Betis» hujumchisi Kucho Ernandesning xizmatlariga qiziqish bildirmoqda.

Ispaniya klubi futbolchini sotishga ishtiyoqmand emas. Shu sababli «Betis» Kucho uchun yuqori boshlang‘ich narx belgiladi. Ispaniyaliklar hujumchi uchun kamida 35 million yevro olmoqchi.

Kucho Ernandes La Liga doirasida jami 118 ta uchrashuvda maydonga tushgan. Ushbu o‘yinlarda hujumchi 24 ta gol urdi va 11 ta golli uzatmani amalga oshirdi. Eslatib o‘tamiz, hujumchi «Betis» safiga AQSHning «Kolambus Kryu» jamoasidan kelib qo‘shilgan edi.