«Lill» yarim himoyachisi Ayyub Buaddi Angliyaning yetakchi klublari e’tibor markazida bo‘lib turibdi.

Britaniyalik jurnalist Grem Beylining ma’lumotiga ko‘ra, Fransiya klubida o‘zini yorqin ko‘rsatayotgan 18 yoshli xavbek «Arsenal» qiziqishlari doirasiga tushgan. Londonliklar uning chiqishlarini diqqat bilan kuzatib bormoqda va kelayotgan yozdayoq transfer qilish imkoniyatini ko‘rib chiqmoqda.

Biroq, londonliklar yosh futbolchi uchun yagona da’vogar emas. Xabar qilinishicha, Buaddi uchun kurashga «Liverpul», «Manchester Siti» va «Chelsi» klublari ham qo‘shilgan.

Istiqbolli yarim himoyachining «Lill» bilan amaldagi shartnomasi 2029 yilga qadar mo‘ljallangan.