«Real Madrid» vingeri Vinisius so‘nggi 10 yil ichida Chempionlar ligasi pley-off bosqichining eng sermahsul futbolchisi bo‘lib turibdi. Bu haqda Score90 nashri xabar bermoqda.
Braziliyalik futbolchi 2016/17 yilgi mavsumdan boshlab YECHL pley-off bosqichlarida «gol+pas» tizimi bo‘yicha o‘z hisobiga 29 ochko yozdirib qo‘ygan. Bu ko‘rsatilgan davr mobaynida barcha futbolchilar orasidagi eng yuqori ko‘rsatkichdir.
Ikkinchi o‘rinda «Barselona» hujumchisi Robert Levandovski bormoqda, uning hisobida 24 ochko mavjud. Kuchli uchlikni esa «Real»ning sobiq vakili Karim Benzema (23 ochko) yakunlab bergan.
Shuningdek, YECHL pley-off bosqichining eng sermahsul beshta futbolchisi qatoridan «Real» hujumchisi Kilian Mbappe (22 ochko) va «Liverpul» vingeri Muhammad Saloh (20 ochko) ham joy olgan.














