«Реал Мадрид» вингери Винисиус сўнгги 10 йил ичида Чемпионлар лигаси плей-офф босқичининг энг сермаҳсул футболчиси бўлиб турибди. Бу ҳақда Score90 нашри хабар бермоқда.
Бразилиялик футболчи 2016/17 йилги мавсумдан бошлаб ЕЧЛ плей-офф босқичларида «гол+пас» тизими бўйича ўз ҳисобига 29 очко ёздириб қўйган. Бу кўрсатилган давр мобайнида барча футболчилар орасидаги энг юқори кўрсаткичдир.
Иккинчи ўринда «Барселона» ҳужумчиси Роберт Левандовски бормоқда, унинг ҳисобида 24 очко мавжуд. Кучли учликни эса «Реал»нинг собиқ вакили Карим Бензема (23 очко) якунлаб берган.
Шунингдек, ЕЧЛ плей-офф босқичининг энг сермаҳсул бешта футболчиси қаторидан «Реал» ҳужумчиси Килиан Мбаппе (22 очко) ва «Ливерпуль» вингери Муҳаммад Салоҳ (20 очко) ҳам жой олган.
