Xalqaro tanaffus vaqtida Braziliya terma jamoasi 26 mart kuni Fransiya va 1 aprel kuni Xorvatiyaga qarshi maydonga tushishi belgilangan. Bu o‘yinlar Karlo Anchelotti va uning shtabi uchun 2026 yilgi Jahon chempionati uchun yakuniy tarkibni e’lon qilishdan oldin tayyorgarlikni pishitib olish uchun qulay imkoniyatdir.
Biroq, futbolchilarning jismoniy holati borasidagi xavotirlar yuzaga kela boshladi. «Arsenal» himoyachisi Gabriel tarkibni tark etganidan so‘ng, Anchelotti endi Rayan va Markinyosning holatini ham diqqat bilan kuzatmoqda.
Globo Esporte nashrining xabariga ko‘ra, "PSJ" va Braziliya terma jamoasi sardori o‘ng sonining orqa qismida noqulaylik sezgan. U dushanba kuni ertalab AQSHda bo‘lib o‘tgan mashg‘ulotlarda ishtirok etdi va to‘p bilan ishlash hamda kichik maydondagi o‘yinlarga qaytishdan oldin uqalash (massaj) muolajasini oldi.
Shunga qaramay, keyinroq u jismoniy tayyorgarlik bo‘yicha murabbiy va Anchelotti bilan suhbatlashib, og‘riq berayotgan sohani ko‘rsatdi va qo‘shimcha muolajalar uchun fizioterapevt hamrohligida maydonni tark etdi.
