Xorvatiyalik futbolchi, «Milan» a’zosi Luka Modrich AQSHning Mayami shahrida o‘tayotgan tennis bo‘yicha «Masters» turniri uchinchi bosqich uchrashuvini kuzatdi.
24 martga o‘tar kechasi erkaklar o‘rtasidagi yakkalik bahsida xorvatiyalik tennischi, US Open–2014 g‘olibi Marin Chilich hamda dunyoning to‘rtinchi raketkasi, germaniyalik Aleksandr Zverev o‘zaro kuch sinashdi. Uch setga cho‘zilgan bahsda Zverev 6:2, 5:7, 6:4 hisobida g‘alaba qozondi.
Qayd etilishicha, Luka Modrich ushbu o‘yinda Marin Chilichni qo‘llab-quvvatlash uchun tashrif buyurgan va uchrashuv kuni u bilan uchrashgan. Sportchilar o‘rtasida yaqin do‘stlik aloqalari mavjud.
Ma’lumotlarga ko‘ra, ular avval ham Marin Chilich jamg‘armasi tomonidan o‘tkazilgan xayriya tennis musobaqasida juftlikda ishtirok etgan va finalgacha yetib borishgan. Finalda esa Mario Manjukich / Patrik Yurina juftligiga mag‘lub bo‘lishgan.













