Хорватиялик футболчи, «Милан» аъзоси Лука Модрич АҚШнинг Майами шаҳрида ўтаётган теннис бўйича «Мастерс» турнири учинчи босқич учрашувини кузатди.

24 мартга ўтар кечаси эркаклар ўртасидаги яккалик баҳсида хорватиялик теннисчи, US Open–2014 ғолиби Марин Чилич ҳамда дунёнинг тўртинчи ракеткаси, германиялик Александр Зверев ўзаро куч синашди. Уч сетга чўзилган баҳсда Зверев 6:2, 5:7, 6:4 ҳисобида ғалаба қозонди.

Қайд этилишича, Лука Модрич ушбу ўйинда Марин Чилични қўллаб-қувватлаш учун ташриф буюрган ва учрашув куни у билан учрашган. Спортчилар ўртасида яқин дўстлик алоқалари мавжуд.

Маълумотларга кўра, улар аввал ҳам Марин Чилич жамғармаси томонидан ўтказилган хайрия теннис мусобақасида жуфтликда иштирок этган ва финалгача етиб боришган. Финалда эса Марио Манжукич / Патрик Юрина жуфтлигига мағлуб бўлишган.