«Tottenxem»ning kalendar yili boshidan beri 13 ta o‘yinga yetgan g‘alabasiz seriyasi hozircha APL rekordchilaridan ortda qolmoqda. Bu haqda ESPN portali tomonidan o‘tkazilgan hisob-kitoblar dalolat bermoqda.

«Midlsbro» 2017 yil boshida 14 ta o‘yinda, «Sanderlend» 2003 yil boshida 17 ta uchrashuvda, «Derbi Kaunti» esa 2008 yil boshida 18 ta o‘yinda g‘alaba qozona olmagan. Ularning barchasi o‘sha mavsumlar yakuniga ko‘ra quyi ligaga tushib ketgan.

Hozirda xorvatiyalik mutaxassis Igor Tudor boshqarayotgan London klubi turnir jadvalida 30 ochko bilan 17-o‘rinda bormoqda. Bu xavfli hududda (quyi ligaga tushish zonasi) borayotgan «Vest Xem»dan atigi 1 ochkoga ko‘p demakdir.

«Tottenxem» 1978 yildan beri Angliya futboli elitasini tark etmagan.