«Barselona» klubi Milanning «Inter» jamoasi markaziy himoyachisi Alessandro Bastonini sotib olish ustida ishlamoqda.

«Ko‘k-anorranglilar»ning 26 yoshli futbolchiga bo‘lgan qiziqishini ishonchli manbalar allaqachon tasdiqladi. Sport nashrining ma’lumotlariga ko‘ra, Kataloniya grandi rahbariyati muzokaralarni cho‘zib o‘tirmaydi – kelishuvni Jahon chempionati boshlangunga qadar yakunlashga umid qilinmoqda. Italiyalik futbolchi jamoa uchun asosiy maqsad etib belgilangan.

Eslatib o‘tamiz, bo‘lajak mundial 11 iyundan 19 iyulga qadar bo‘lib o‘tadi. Italiya terma jamoasi hali turnir yo‘llanmasini qo‘lga kiritgani yo‘q: «Skuadra Adzurra» yo‘llanma uchun o‘tish o‘yinlarida kurash olib boradi – yarim finalda Shimoliy Irlandiyaga qarshi bahs kutmoqda.