«Барселона» клуби Миланнинг «Интер» жамоаси марказий ҳимоячиси Алессандро Бастонини сотиб олиш устида ишламоқда.
«Кўк-анорранглилар»нинг 26 ёшли футболчига бўлган қизиқишини ишончли манбалар аллақачон тасдиқлади. Sport нашрининг маълумотларига кўра, Каталония гранди раҳбарияти музокараларни чўзиб ўтирмайди – келишувни Жаҳон чемпионати бошлангунга қадар якунлашга умид қилинмоқда. Италиялик футболчи жамоа учун асосий мақсад этиб белгиланган.
Эслатиб ўтамиз, бўлажак мундиал 11 июндан 19 июлга қадар бўлиб ўтади. Италия терма жамоаси ҳали турнир йўлланмасини қўлга киритгани йўқ: «Скуадра Адзурра» йўлланма учун ўтиш ўйинларида кураш олиб боради – ярим финалда Шимолий Ирландияга қарши баҳс кутмоқда.
