Londonning «Arsenal» klubi Ispaniya chempionati vakillaridan biriga qarshi o‘rtoqlik uchrashuvi o‘tkazishni rejalashtirdi. Bu haqda «kanonirlar» matbuot xizmati xabar bermoqda.
Mikel Arteta shogirdlari Sevilyaning «Betis» jamoasi bilan kuch sinashadilar. Ushbu o‘rtoqlik uchrashuvi 5 avgust kuni Irlandiyada bo‘lib o‘tadi.
Angliya chempionatining joriy mavsumida London jamoasi 31 ta turdan so‘ng 70 ochko jamg‘ardi. «Arsenal» Premyer-liga turnir jadvalida peshqadamlik qilmoqda va ikkinchi o‘rinda borayotgan «Manchester Siti»ni to‘qqiz ochkoga ortda qoldiryapti.
Premyer-ligadagi navbatdagi o‘yinini Arteta jamoasi 11 aprel kuni o‘z maydonida «Bornmut»ga qarshi o‘tkazadi.
