Bosniya va Gersegovina terma jamoasi sardori Edin Jeko JCH–2026 saralashining yarim final bosqichida Uels ustidan qozonilgan g‘alabadan (1:1, penaltilar bo‘yicha — 4:2) so‘ng Italiyaga qarshi kutilayotgan o‘yin haqidagi fikrlari bilan o‘rtoqlashdi.
«Bosniya pley-off finalida o‘ynashga loyiq edi. Biz saralash bosqichini yaxshi o‘tkazdik. Italiya Zenisaga yaqqol favorit sifatida tashrif buyuradi, biroq bizda nimalarga qodir ekanligimizni ko‘rsatish uchun 90 daqiqa vaqt bo‘ladi. Maydonda bor kuchimizni ishga solamiz.
Italiyaga qarshi o‘yinda kim o‘zini favorit deb atay olishini bilmayman. Shu sababli, garchi o‘z uyimizda o‘ynasak-da, ular baribir bu uchrashuvning favoriti bo‘lib qolishadi. Hozir biz biroz dam olishimiz kerak, chunki bugungi o‘yin juda og‘ir kechdi. Keyin esa yana bor kuchimizni to‘plab, Italiyani mag‘lub etishga harakat qilamiz», — deya Jekoning so‘zlarini keltiradi UYEFA rasmiy sayti.
Pley-off bosqichining finalida Bosniya va Gersegovina terma jamoasi Italiya bilan to‘qnash keladi. Ushbu hal qiluvchi bahs 31 mart kuni bo‘lib o‘tadi.
