Madridning «Real» klubi sobiq yarim himoyachisi Toni Kroos jamoaning Chempionlar ligasidagi g‘alabalarga bo‘lgan intilishi va Florentino Peresning talabchanligi haqida xotiralari bilan o‘rtoqlashdi.

«Men faoliyatimning oxirigacha g‘alabaga tashna edim. Biz Chempionlar ligasida g‘olib chiqqanimizda, ertasi kuniyoq prezident [Florentino Peres] keyingi yil ham unda zafar quchishimiz kerakligini aytardi.

Biz g‘alabadan faqat bir necha soat davomida zavqlanishimiz mumkin edi, xolos. Ertasiga esa prezidentdan: «Juda yaxshi, keyingi yil ham xuddi shu joyda, xuddi shu kubok bilan ko‘rishamiz», degan gapni eshitardik. Bu oddiy tuyulishi mumkin, ammo bu bizga bo‘shashishga yo‘l qo‘ymasdi. Ushbu klubda xayolingda faqat bir narsa bo‘ladi: «Chempionlar ligasi, Chempionlar ligasi va yana Chempionlar ligasi».

Biz haqiqiy jamoa edik. Tarkibimizda ko‘plab ajoyib futbolchilar bor edi, lekin hakam hushtagi chalinganida barchamiz bir narsani xohlayotganimizni tushunib turardik. Hammamiz g‘alaba qozonishni istardik va bu asosiy omil edi. Biz juda kuchli edik. Agar jamoangiz yomon bo‘lsa, Chempionlar ligasida g‘olib chiqa olmaysiz», — dedi Kroos.