«Barselona» yarim himoyachisi Fermin Lopes 2026 yil uchun o‘z oldiga qo‘ygan ikkita ulkan maqsadini ochiqladi. Futbolchining so‘zlariga ko‘ra, u «Barselona» bilan Chempionlar ligasida, Ispaniya terma jamoasi bilan esa Jahon chempionatida zafar quchishni istaydi.
«Barselona» Chempionlar ligasi kubogi uchun kurashda «Bavariya» va «Arsenal» bilan bir xil darajada. Men ham Chempionlar ligasida, ham Jahon chempionatida g‘olib chiqishdan umidvorman», — dedi Lopes.
Chempionlar ligasi chorak finalida «Barselona» «Atletiko»ga qarshi bahs olib boradi. Ushbu juftlik g‘olibi yarim finalda «Arsenal» va Lissabonning «Sporting» jamoalari o‘rtasidagi qarama-qarshilik g‘olibi bilan kuch sinashadi.
